Ჩვენს შესახებ

ეთნო ოკამის დაფუძნების წინაპირობა კავკასიის საერთაშორისო უნივერსიტეტის მევენახეობა-მეღვინეობის ფაკულტეტის ბაზაზე დამზადებული გამორჩეული ღვინოები იყო, რომელთა შექმნაშიც პროფესურასთან ერთად არაერთ სტუდენტს წლების განმავლობაში შეჰქონდა წვლილი.

კომპანიას დაფუძნებამდე, აღნიშნული ღვინოების სახით, უკვე ჰქონდა დაგროვილი, როგორც საქართველოს ბაზარზე, ისე მის ფარგლებს გარეთ მომხმარებელთა კეთილგანწყობის კაპიტალი. 2020 წლის სამართლებრივი სტატუსის მინიჭებამდე ღვინის არაერთი ნიმუში გავიდა საუნივერსიტეტო მხარდაჭერით ისეთ ფესტივალებზე, სადაც საქართველო არასდროს ყოფილა წარმოდგენილი. 2021 წლიდან ეთნო ოკამის პროდუქცია ქართულ ბაზარზე ჩნდება, მონაწილეობას ვიღებთ როგორც საერთაშორისო, ისე ადგილობრივ კონკურსებზე სადაც მოვიპოვებთ არაერთ ჯილდოს.

2022 წლიდან კავკასიის საერთაშორისო უნივერსიტეტის მხარდაჭერითა და მათ კვლევებზე დაყრდნობით ეთნო ოკამი არეგისტრირებს ახალი ადგილწარმოშობის დასახელების ღვინო ,,ოკამის“ სპეციფიკაციას, რომელსაც შესაბამისი პროცედურების დაცვით ძალიან მალე ოფიციალური სტატუსი მიენიჭა.

უნდა აღინიშნოს, რომ ეთნო ოკამის მენეჯმენტი სრულად კომპლექტდება CIU-ს მევენახეობა-მეღვინეობის ფაკულტეტის კურსდამთავრებულებისა და სტუდენტებისგან, რაც გვაძლევს საშუალებას წარვადგინოთ ცოდნით შექმნილი ხარისხი.